يا قرة عيـون الحزيـن اللـي تبنـاه السهـر
يا شيخة الحلم القديـم ويـا فصـول حكايتـه
تدرين عن حالي ؟ اذا انك داريه هـذا القهـر..
وان كان ما تدرين حالي رايـح مـن بدايتـه..
مرتني شهور المحبـه وانتهـت شهـر شهـر
ما جادت بقطرة وفـا طـول السنيـن الفايتـه
واقف على حد الضما مدري على حـد النهـر
والوقت يمشي والطريق ابغا .. ولا ابغا نهايته..
احيا على آمالـي وتقتلنـي صواديـف الدهـر
وارد روحي ب أسفه أحلامي..وأجي بحمايته..
صوت الشقاء مخفيه لين الشامت بصوته جهر..!
الحـزن فينـا الشامتيـن أساتـذة بقرايتـه...
يا بنت حتى عاذلي حـن وعلـي قلبـه طهـر
مدري طهر ..! ولاّ الهدف ما يستحق رمايته..
الله يسامحك أعمق أسراري من أسبابـك ظهـر
والله يسامحنـي أبيـع المـاء علـى سقايـتـه
خلاص يا ريح النكد ما ظل بأغصانـي زهـر
العاشق الوقـت أدركـه قـدام يـدرك غايتـه
حاولت أقاوم واحتزم لكـنّ مـا باقـي ظهـر
الحلم سلّمـت آخـر قلاعـه وطاحـت رايتـه
يا فاتنة قدمت نصف العمـر الأول لـك مهـر
والنصف هذا صام عن لقمـة غـلاك البايتـه
آخر أمل بشروق شمسك قبل الإشراق انصهـر
وقصر الخيال اللي على الدلتا فدتك بنايتـه .. !
سيجارة أحلامي بنت موطن بلحظه .. وازدهر
لكـنّ مصيـره مـن يديـن الحالـم بطفايتـه
اللي يتبنى أضغـاث الأحـلام يتبنـاه السهـر
واللي تولّع فيك هـذا آخـر فصـول حكايتـه
للشاعر محمد عوده القويعاني
موضوع: صوت الشقا