يالله يـامـنـشـي سـحـايــب خـيـالـهــا
يـاعـالـم الـنـفـس الـخـفـيـه وحـالـهــا
يـارافـعـاً سـبـعـاً وسـبـعــاً بـسـطـهـن
وارسى على السبعه رواسي جبالها
تــعـــز دولـتــنــا وتـحــفــظ مـلـيـكـهــا
الـدولــة الـلــي ديـنـهــا رأس مـالـهــا
عـبــد الله لـنـيـل المـعـالـي يـقـودهــا
هــو عـزهـا هـــو فـخـرهـا واكتمـالـهـا
يـحـبــهــا والله ويـــحــــب شـعــبــهــا
يـاعـزهــا يــــوم الـمـلـيــك ارتـكـالـهــا
عينـه علـى مـكـه وطيـبـه .. وشعـبـه
يـرخــص لـهــا المـلـيـار كـنــه ريـالـهـا
خـيــره كـمــا مـــزنٍ تـوالــت رعــــوده
وبالمملـكـه هـلـت سحـايـب خيـالـهـا
حتـى زهـت فـي غربهـا مـع جنوبـهـا
والخـيـر زاد بشـرقـهـا مـــع شمـالـهـا
تـكـامـلـت وتــســـر لــلـــي نـظــرهــا
مثل العروس اللي زهـت فـي دلالهـا
وسلطـان كـل الخيـر مقـرون بأسـمـه
يــده سخـيـه ياعـسـى الخـيـر فالـهـا
لاكـبـرت الـقـالـه وجـــت لـــه يحـلـهـا
يحـلـهـا لـــو هـــي صعـيـبـه حـبـالـهـا
يالله تـــرحـــم عـــــــود ذولا عــيــالـــه
عــســاه فـالـجـنــه بـفــيّــة ظـلالــهــا
وحــد جزيرتـنـا عـلـى الـعـز والـشـرف
يــوم الـولـي لـلـعـود سـخــر رجـالـهـا
نــادى الــى التوحـيـد والـشـرك زالــه
حـتـى أتـضـح حرامـهـا مـــن حـلالـهـا
ومـــن بـعــده عـيـالـه تـولــو زمـامـهــا
ليـن أعتـلـت للمـجـد والمـجـد جالـهـا
والــيــوم والله صــــار يـاكـبــر شـانـهــا
لا كــبــرت الـقـالــه كـثــيــر يـعـنـالـهـا
لآ ل السـعـود الـلـي يـسـدو بـرايـهـم
بـالــراي والحـكـمـه يـحـلــو سـوالـهــا
وأنــا بـلــويٍ وأفـتـخـر فـــي قبيـلـتـي
اعـتـز أنــا فيـهـا إلـــى جـــاء مجـالـهـا
مكـرمـيـن الـضـيـف والـجــار والـخــوي
مـايـذبـحــون إلا نــفــايــس جــزالــهــا
دلالــهـــم دايـــــم يــزيـــدو بـهـيـلـهــا
ونيـرانـهـم تـزهــى بـصـفــة ادلالــهــا
وقـتـي النـبـي كثـيـر منـهـم صـحـابـه
أفـعـالـهـم كــــل الـمـعـاديـن هـالــهــا
تشهـد لـهـم بــدر .. وأحــد .. ومـوتـه
تـاريـخ يحـفـظ مانكـتـب مــن أجيالـهـا
والـيـوم لآل سـعـود مانـخـون عـهـدنـا
رجــال تـدفـع نفـسـهـا فـــوق مـالـهـا
دون الوطن ترخص مع المـال نفسهـا
شـيـبـانـهـا والله تـســابــق عـيـالــهــا
عسى الولي يحفظ بلادي من العـداء
ويـديـم عــز الله الـــى الـعــز شـالـهـا
وختامهـا منـى صلاتـي علـى النـبـي
عــد البـشـر وأشجـارهـا مــع رمالـهـا
فــــالــــح عــــايـــــض الــســمــيـــري1428
موضوع: قصيدة وأنا بلوي وأفتخر في قبيلتي