فنجال دلـه مـع صديق(ن)تـوده
في ديرة(ن)قفراء على حاجر السيل
اجمل من التسويق باسـواق جـده
اللي تفتح سوقهـا لآخـر الليـل
لا لاح برق البـر جهـزت عـده
للبـر اجهـز عدتـي والمعاميـل
حبي لشوف البـر مجتـاز حـده
حب ابدوي لشبـة النـار والهيـل
عساه في غيث(ن)يجي لـه بـرده
علـى مرابيعـه تهـل المخاييـل
ان كـان بـك ياحمودللبـر شـده
انا ترى جاهز ومشتـاق بالحيـل
ياحمود مابه عن مرافقـك صـده
ياشيخ لا عدو صعول الرجاجيـل
ضحكتك في وجه المسيـر تسـده
ضحكة غلا ورثتها جيل عن جيل
المجلس انته فيـه عطـره ونـده
انته كذا ماتعشـق القـال والقيـل
لك موقف(ن)بالخير والشر ضـده
لك موهبة في حل عقد المشاكيـل
سجيتـك مـاهـي بهـاتـه ووده
سجيتك طبع النشامـا الحلاحيـل
من يزرع المعروف خيره يجـده
ماخاب من نقى بذور المحاصيـل
ياحمود لك بالقلـب عـز ومـوده
ياحمود لك مقدار اكبر من النيـل
رب الملا يحفظك مـن كـل لـده
ربـي عليـم الخافيـات المقابيـل
ياحمود جاك القـول ياحمـود رده
ياحمود قول لصاحبك جهز الشيـل
* فالح السميري
موضوع: قصيدة حــبي لشوف الــبـر للشاعر فالح عايض السميري